ساعات بندور عالضي في وسط النور
نفضل نتوه بين السطور
نقعد ننط من سطر لسطر
و نقع على جذور رقابينا
مع اننا كنا في سطرنا عايشين
!!لازم يعني نبص على سطور الخلق حوالينا
و نشخبط على كل سطر حبة
و نبوظ شكل الصفحة
و نرجع نقول مجني علينا
طب ما احنا اللي ابتدينا
و قلنا نطلع لاجل لحلمنا نوصل
ومافهمناش ان حلمنا في السطور اللي عايشين عليها
حلمك ... طموحك .. حياتك و كل تملك
معاك على سطرك بس انت كمل السطر
و ماتقولش السطر خلص و تروح على اللي فوقك واللي تحتك
اقلب الصفحة ، هتلاقي باقي سطرك
واقلب كمان
في الصفحة التانية يبان
السطر لم ينتهي بس انت اللي كسلان
No comments:
Post a Comment